لننظر الى الجانب المشرق .. مبروك علينا خامسه (:

اللهم لك الحمد حمدا ابلغ به رضاك , أؤدي به شكرك وأستوجب به المزيد من فضلك .اللهم لك الحمد على حلمك بعد علمك , ولك الحمد على عفوك بعد قدرتك .
مبروك لكل سنه رابعه وخامسه وسادسه و... وللا اقولكم مبروك لكل الطلبه والطالبات  الطب في جميع انحاء المملكه .. الحمد لله الحمد لله الحمد لله ..اليوم نزلت الدرجات ونجحنا وسرنا رسميا خامسه طب انشاء الله ( امكن دحين احد يحترمنا شويه ).. يعني سنتين ونسير إمتياز انشاء الله <<< بالمناسبه  سرت اكره دي العباره  من كتر مايقولها الريزيدنت ليه في العسكري , كل شويه انت انتيرن ؟ لا ..خساره كان تمسكي الشغل عني .. ابتسم وامشي .. لو سمحت انتيرن تعالي اعلمك ؟ ! لا ستيودنت طيب ممكن تعلميني ؟ لا خلاص ماعندي وقت !!!! ... ما اعرف ايش حكايتهم اذا منتي انتيرن معناتك غبيه وماتفهمي ومستحيل تتعلمي << هدولا بس الريزيدنت لكن الكونسالتنت معاملتهم لطيفه اكتر .. يحسسك انك طالب وممكن تتعلم بس حتى الان طالب ما يعرف مانجمنت  !!! واكتر كلمه يرديدوها الكونسالتنت : جو اند ريد .. واكتر كلمه على لسان الريزيدنت .. انت انتيرن ومافي وقت !!........... المهم كنا بنقول الدرجات ايوا .. مبروك بنات واولاد رابعه خاصة ..خلاص كفايه مباركات وخلينا نحكي ايش سار اليوم (:

امس الي هوا الاتنين غبت عن الدوام نظرا لظرو ف صحيه المت بالانسه ترابد ..والله من جد مو كسل .. بس برضو ترابد كان عندها دم وصحيت الصبح شربت قهوتها وعقدت العزم انها تقوم لإثراء حصيلتها العلميه من بحر المدسن ..تم عقد العزيمه الساعه تسعه صباحا , وتم التنفيذ الساعه الثانيه عشر ظهرا ( مو إجازه ولا ايه ) .. طيب هو الدكتور في يوم الاحد قلي حضري برزينتايشن عن الإلكترولايت إمبالنس ..هايبو هايبر نايتريميا وهايبو هايبر كاليميا .. ترابت بكل حماس وافقت ....على بالي الموضوع كلمتين حلوين ..
الحقيقه بدأت اقراء واقرأ واقرا واقرا واقرا ولقيت نفسي على العصر تقريبا ما خلصت ولاشي ولا فهمت ولا كلمه , الارقام كلها دخلت في بعض ولا انا عارفه ايش الاوزمولالاتي ولا ايش الهايبو ولاايش هايبر .. والله كنت حبكي ,, وبدأت كل الافكار السوداء تجتمع في عقلي .. اول سؤال جا في بالي .. انا ايش كنت بسوي فيسيستم اللابوراتوري .. ياويلي الموضوع ما له الا كم شهر اتمسح .. ولكن لأكون صادقه .... انا اصلا دخلت الاختبار وموضع الإليكترولايت دا مو مفهوم واتوقع كتير ناس نفس الشي << بواسي نفسي  (:
المهم انتهى اليوم بأني نمت  , ونص البريزينتايشن ما خلص والموضوع اساسا ,  كان  هايبو وهايبر نايتريميا وهايبو وهايبر كاليميا  , وانتهى به الحال انو سار هايبو نايتريميا بس !!!!!!!!!!! في اربعين سلايد ( بعضها استلفته من عمي القواقل (: !!!!

الساعه الخامسه صباحا ... يارب يسر .. طيب انام بس شويه ...خمسه دقايق كمان >> الكلام موجه لمنبه الجوال المزعج ..
السادسه صباحا .. تم نقل اللاب توب والاوراق والعفش والمدسن كله الى .... المطبخ .. عشان لو جلست في غرفتي  , السرير المغري حيطالع فيا بنظراته ديكه ... وانا الصراحه ما اقدر استحمل نظرات سريري.. سو شديت الرحال الى  المطبخ  (:

...................خلصت البريزين تايشن  صح الكلام مكتوب , بس للاسف نصه مني فاهمته ... لكن اتوكلت على الله  , وقلت اسأل الريزيدنت تساعدني ...
تعرفو الريزيدنت ايش تقول .. طيب ياترابد ناقص عندك هنا الكومبليكايشن حقة الرابيد كوريكشن اوف هايبو نايتريميا ..
ترابد : ايوا ايش هيا يا دكتوره ؟
الريزيدنت : جو اند ريد (:
ترابد : D× !!!!!!!!!!!!!!!!!!!!!!!!!!!!!!!! وكان باقي على التقديم عشره دقايق .. قال جو اند ريد قال !!!
باقي خمسه دقايق على قدوم الكونسالتنت  ...
الريزيدانت : ترابد امممم المانجمنت مو مزبوط .. اممم ترى مو كامل ..
ترابد :  قضي على #_#
ترابد : دكتوره ممكن تقولي ليلكونسالتانت يتأخر شويه .. بلييييييييييييييز .
الريزادنت : امممممممممممممممممم .. طيب معاك ربع ساعه يلا (:
ترابد : الحمد لله شكرا دكتوره ..
رجعت غرفة الاونكول ربطت طرحتي زي المصاريه ..ترابد يا انت , يا الهايبو نايتريميا ..
صحباتي كانو في الغرفه ... تم طردهم رسميا ..
مسحت كل المانجمنت وعدته تاني في خلال خمسه دقايق ... زبطت باقي السلايدات في خمسه دقايق اخرى .. قدمت التوبيك مع نفسي في خمسه دقايق ..
شلت اللا ب توب .. زبطت الطرحه للوضع السعودي ... اخدت نفس  , و رحت القاعه .......................................

البروجيكتر خرباااااااااااااااااااااااااااااااااااااااااااااااااااااااااااااااااااااااااااااااااااااان  ) :"

وفي النهايه السعيده قدمت الهايبو نايتريميا بدون بور بوينت  ..... اعرف الجميع مستاء , لكن التقديم لم يكن سيء, ولم يكن ممتاز, لكن في الاخير البوينت  , اني عرفت ايش هيا الهايبو نايتريميا,  ولمن احد يسألني ايش النورمال صوديوم في البلازما حقله : رانج  فروم
135_145 وهذا انجاز بحد ذاته .. لننظر للجانب المشرق  يا جماعه  (: 

ملاحظه : الكومبليكايشن حقة الرابيد كوريكشن اوف سيمبتوماتيك هايبو نايتريميا في دانش صفحه  773 , وفي بايبي كومار 320 , وفي ديفدسون     ,  .. اناحطيت اسمها زي في الكتب , الكونسالتنت قلي خلاص بطلو يستخدمو دا الاسم ..امكن يوم من الايام  , لمن تبطلو كسل وتحلو الاسئله اقولكم الاسم الجديد (:

ملاحظه اخرى : يا رب المانيا بكرا تفوز (:
ملاحظه اخرى 2 : اسئلة الراوند ..
1 ) الالديرلي ( العجايز ) ممكن يكون عندهم انفكشن بدون فيفر , وحتى ممكن يكونو هايبو ثيرميك ليه ؟؟
2) واتس ذا انديكايشن اوف بلايتلت ترانزفيوجون  ؟؟
3) بايشنت ويذ هيباتو سيليولار كارسينوما وبليدينج بير ريكتوم , إند ستايج ليفر ديزيز .. تخافي عليه من ايش بالتحديد ؟؟
4) ايش التيومر الي  يطلع كتير متانيفرين ( إبينيفرين ) ؟؟ وايش الاعراض الي يجي بيها المريض ؟؟
5) ايش السايد ايفكت حقة النيتروجلسرين ؟؟ وايش نعطيه عشان تروح ؟؟
6) ايش التراياد حقة الاسبرين ؟؟

معلومه عادها الدكتور عليه سبعه مرات : نيفر يوز اسبرين از ميديكايشن .. اتس بروفيلاكتيك درج .. حتى في الهيلثي بيبول دونت جيف اسبرين .. لانه ممكن بعد ساعه يسوي حادث .. اند وي كانت كنترول ذا بليدينج <<<<<<<< إنفورمايشن فور لايف  (:


اظن كده كفايه عليكم .. جاوبوا يلا والي ما يبغى ,  مو مشكله يجاوب وهوا سادسه, والي ما يبى يجاوب وهوا سادسه ,  يجاوب وهوا كونسالتنت , والي ما يبى يجاوب مره لا يجاوب .. نو هارد فيلينج  (: